Zozketa bidez aukeratutako 32 gipuzkoar Herritarren Batzar berritzaile honetan parte hartzera deituak izango dira, eta galdera honi erantzun beharko diote: Nola bermatu dezakegu Gipuzkoako nekazal-jarduera klima-larrialdiari aurre egiteko?

Herritarren Batzar hau Telesforo Monzon Euskal Herrigintza laborategiak (TMeLab) eta Arantzazulab gizarte berrikuntza laborategiak Etorkizuna Eraikizen baitan orain ia urte bete aurkeztutako egitasmoaren gauzapena da. Proiektu hau demokrazia deliberatiboan adituak diren bertako zein nazioarteko aholkularien bidelaguntzarekin garatu da (ELGA, Ekonomia Lankidetza eta Garapenerako Erakundea, eta Deliberativa elkartea).

Prozesu aitzindari eta berritzailea da, herritarrak nekazaritza-jarduera eta klima-aldaketa gisako gai publiko garrantzitsuen gaineko deliberazioan parte hartzera gonbidatzea helburu duena.

Batzar Nagusietan ordezkaritza duten talde politiko guztien babesa du prozesuak. Gipuzkoako Foru Aldundiak Herritarren Batzar honetatik hainbat gomendio jasoko  ditu, datozen urteetako nekazaritza-politikaren arloko jarduerak bideratzeko balio dezaten.

ORAIN ARTEKO MINTEGIAK:

TMeLab aztertzen ari da demokrazia deliberatiboaren ereduek klima-aldaketari aurre egiteko neurriak hartzerakoan izan dezaketen balioa. Horregatik, azken hilabeteotan bi jardunaldi antolatu ditugu Mondragon Unibertsitatea, Arantzazulabekin eta Gipuzkoako Foru Aldundiarekin elkarlanean.

Demokrazioa Deliberatiboa XXI mendean

Telesforo Monzon laborategiak (TMelab), Mondragon Unibertsitateak (MU) eta Arantzazulab-ek elkar lanean, gogoeta jardunaldiak antolatu zituen online. Jardunaldi hauetan asanblada herritarren marku teorikoa eta praktikoa landu ziren. Zertarako balio duten herritarren asanbladak bai  eta zein muga dituzten, hala nola beren garrantzia aldaketa klimatikoa dela eta hartu beharreko deliberazioetan. Nazioarteko herrialde ezberdinetako Asanblada herritarrak aztertu ziren, esperientzia ezberdinak jasoz eta hausnarketak konpartituz adituen eskutik. Jardunaldien bideoa eskuragarri dago gure web orrian.

Gipuzkoako Klimaren Batzarra landa eremuan (GKB). Nazioarteko Jardunaldiak

TM eLab laborategiak, Arantzazulab, Gipuzkoako Aldundia eta Deliberativarekin batera  Europako klima asanblada desberdinen inguruan ezagutza jaso eta zabaldu asmoz nazioarteko jardunaldiak burutu genituen.  Jardunaldi hauek TM eLab-ek Arantzazulab eta Gipuzkoako Aldundiarekin batera abiatu dugun Gipuzkoako Klimaren Batzarra Landa Eremuan (GKB) proiektuaren barnean kokatzen dira.

Telesforo Monzon laborategiko Txillardegi Gogoeta Guneak, Jakinek eta UEUk elkarlanean antolatu dugu jardunaldi hau eta Eibarko Markeskoan izango da 2022ko urriaren 19an.

Jardunaldiaren helburua XXI. mendean eraginkor izango den hizkuntza politikaz eztabaidatu eta ondorio nagusi batzuk ateratzea da, euskararen normalizazio prozesua azkartzeko ezinbesteko jotzen dena.

Izen ematea: www.ueu.eus

ORAIN ARTEKO MINTEGIAK:

Demografia / Migrazioa.  Euskal Herria 15 urte barru

Mintegiaren helburua Euskal Herrian hurrengo urteetan emango diren aldaketa demografikoak aztertu eta horren inguruan euskararen berreskurapenaren ikuspuntutik landu beharreko hizkuntza politikaz aritzea zen.

Atxikitua hemen, mintegia dela eta Txillardegi Gogoeta Gunetik egindako sintesia bai eta bertan aurkeztutako lanen eta egindako gogoetaren bilduma.

Hizkuntza-politika birpentsatzen adimen artifiziala eta eraldaketa digitalaren ikuspegitik

Mintegiaren helburua  adimen artifizialak eta eraldaketa digitalak euskaran izango duen inpaktua aztertzea izan da, eta horren baitan garatu beharreko hizkuntza-politikaz arituko.

Aurki web orrian Txillardegi Gogoeta Gunetik egindako sintesia bai eta bertan aurkeztutako lanen eta egindako gogoetaren bilduma.

Zer esaten digute Naziometroko azken lan inkestek EHko egoerari buruz? Zer etorkizunaz? Nola ulertu behar ditugu datu horiek? Alderatu al daitezke beste errealitateekin?

 Horretaz aritzeko jardunaldiak antolatu ditu TMeLab eta EHU-UPVko Parte Hartuz-en eskutik.

GORDE DATA

Zein izango da euskal nortasunaren oinarria XXI. mendearen hasieran?  Ziurtatua al dugu gure identitatearen biziraupena? Zein dira gure arriskuak eta indarguneak, bai eta mehatxuak eta aukerak? Zein izango dira euskal nortasunaren erreprodukziorako zutabeak eraldaketa mende honetan? Zein dira gure erronkak herri gisa? Guzti horretaz  ezberdinen artean eztabaidatzea eta gogoeta egitea izan da jardunaldi hauen helburua. Nortasunaz aritu gara, beste herrietako  adibideak aztertu ditugu, euskal identitateaz Euskal Herrian eta munduan jardun dugu, bai eta berau XXI mendean erreproduzitzeko erronkei eta bideei buruz.