UEUko hasiera ekitaldiko gaia hain zuzen “Euskararen estatus juridikoa Euskal Herrian, egoera eta aukerak” izan da. Bertan Urko Aiartza euskararen normalizazioak eraldaketa sitemikoen garaian izango dituen erronka izugarriez aritu da eta ekaitz perfekturantzeko norabidean garela iragarri du.

Bertan 1978ko konstituzioaz geroztik erakunde publikoetan eta herritarretan jurisprudentziak izandako inpaktuaren inguruan aritu da. Iñigo Urrutiak osatu du azken epaiei EAEko funtzio publikotik aurre egiteko proposamena.

Arantzazulaben eskutik Demokraziaren Europako Jaialdi Hibridoaren barnean EAEko Transizio eneregetikoa eta klima aldaketaren legearen baitan Arantzazulab Deliberativa eta TMelabek elkarlanean IHOBErentzako diseinatutako Klimaren Euskadiko herritarren batzarra aurkeztu da.

Ekainaren 25ean Olaso Dorrearen Patronatu berritzea eman zen. Sei urtetako lehendakaritza ostean Iratxe Esnaolak testigua Irati Jimenezi pasatu dio. Era berean Patronatuak Maite Aristegi izendatu zuen lehendakariorde. Iratxe Esnaolak patronatukide gisa jarraituko du bai eta TMelabeko zuzendaritza kide gisa.

Irati Jimenez Uriarte (Mundaka, 1977) kazetari eta idazlea da. Deabru eskola proiektu digitalaren partaide, hainbat nobela, ipuin bilduma eta entsegu idatzi ditu, besteak beste, “Bat, bi Manchester” (2006, Elkar), “Nora ez dakizun hori” (Elkar, 2009), “Atsekabe zaitut” (Txalaparta, 2010) , “Zure Bonnie, nire Clyde” (Txalaparta, 2010) edo “Begiak zabalduko zaizkizue” (Elkar, 2021). Azken hau dela eta 2022ko Euskadi Literatura Saria jaso zuen.

Maite Aristegi (Bergara, 1962) gipuzkoar nekazari eta sindikalista da. EHNEko lehendakaria urte askoz eta Madrideko Kongresuan diputatua 2011-15 tartean Amaiurren izenean. Bertako nekazaritza ekologikoan aditu eta aritua da.