Naziometroaren bidez Euskal Herrian* herritarrek burujabetza, autogobernua, independentzia eta horiek zeharkatu ditzaketen gaien inguruan dituzten iritzi eta hautemateak aztertu nahi dira.

Eta hori modu jarraian egin nahi da: neurketa puntual edo koiuntural batetik harantzago,  maiztasuna izango duen barometro bat osatu da iritzi joerak aztertu ahal izateko.

Iritzi inkesta  bakoitzean jasotako datuetara hurbiltzea errazteko, NAZIOMETROAK neurketa bakoitzaren dokumentazio orokorrarekin batera  garrantzitsutzat dituen erantzun laburpen txiki bat eskainiko du.

Laburpen honekin batera, inkestaren dosier orokorra, grafikoekin, datu teknikoekin bai eta bere irakurketa soziologikoarekin zabalduko dugu.

Hemen dago eskuragarri. Oso-osorik deskargatu ahal izango da emaila erabiliz erregistratuta.

Jarraian, labur-labur, 2020ko azaroan egindako lehen neurketa honen funtsezko sei ondorioak  irakur daitezke.

* 2003ko uztailaren 18ko Euskaltzaindiaren arauari jarraikiz Euskal Herria izena  Araba,  Bizkaia,  Gipuzkoa,  Lapurdi,  Nafarroa  (Beherea  eta  Garaia) eta Zuberoa izendatzeko erabiltzen dugu.

Herritarrari adostasun politikoko kontestu bat jartzen zaionean (alderdi politiko guztiek edo gehienek adostu dutela Euskal Estatuari buruzko erreferenduma egitea eta Madrilek/Parisek onartu duela, beraz erreferenduma guztiz ofiziala eta onartua da) eta Euskal Estatuarengatik galdetzen denean,  Euskal Estatuaren alde % 42,5 agertzen da eta kontra %31,5. Hau da, Euskal Estatuaren aldeko jarrerak 11 puntu ateratzen dizkio kontrakoari.

Euskal Estatuaren kontra edo zalantzan daudenen artean, politika sozialak edo genero politikak hobetuz gero, %40 eta %37 aldeko posizioa hartzera aldatuko lirateke, hurrenez hurren. Egoera ekonomikoa hobea ekarriko balu edo Europar Batasunaren barruan egoteko aukera izango balu, Euskal Estatuaren alde %33a egongo litzateke.

Euskal Estatuak gaur egungoak baino politika sozial hobeak ekarriko balitu (hezkuntzan, osasunean, pentsioetan…)

Euskal Estatuak egungoa baino genero politika hobeak ekarriko balitu

Euskal herritarren gehiengoak (%63) bere etorkizun politikoaz erabaki nahiko luke. Berdin gertatzen da lurralde bakoitzak eskubidea eduki beharko lukeen edo ez galdetzean. Galdetutako hiru eremuetarako, gehiengoek baiezko erantzuna eman dute: Euskal Autonomia Erkidegoak eskubide hori eduki beharko lukeela uste du %64k, Nafarroako Foru Komunitatearen kasuan %63k eta Euskal Hirigune Elkargoarenean (Iparraldea) %58k.

Nafarroako Foru Komunitateak

Zazpi herrialdeak kontuan hartuta %79 herrialdeen arteko harreman gehiago edukitzearen alde dago eta % 10 kontra. Bai EAEn zein Nafarroan da gehiengoa zazpi herrialdeen arteko harremana indartzearen aldekoa (%81 EAEn eta %67 Nafarroan).

Pandemiaz administrazio ezberdinak egiten ari diren kudeaketarekin poztasun maila neurtuta, udaletxeak dira hobekien baloratzen direnak. Inkestatuen artean, %43 dago oso edo nahiko pozik udalen kudeaketarekin. Maila beretsuan agertzen dira erkidegoetako gobernuak (%42), beherago diputazioak eta ondoren Europar Batasuna. Azken lekuan, besteengatik tarte handi samarrera (%24), Espainiako eta Frantziako Gobernuak.

INDIZEA (oso pozik + nahiko pozik)

Poztasun maila horrekin bat, administrazio hurrenkera ia berdinean eskatzen dituzte eskumen gehiago. Hau da, erkidegoetako gobernuentzat eskatzen da nagusiki eskumen gehiago, gero udaletxeentzat, diputazioentzat, Europar Batasunarentzat eta azkenik, gutxien, estatuetako gobernuentzat.