TELESFORO MONZON eLab / Euskal Herrigintza Laborategia

barra
barra

ONGIZATEA ETA

BERE ADIERAZLEAK

GOGOETA JARDUNALDIAK

H I Z L A R I A K

Marijo Aranguren

Orkestrako zuzendaria.

Maitane Arnoso Martínez

Zientzia Politikoetan doktorea eta EHUko Psikologia Sozialeko irakasle eta ikerlaria

Nerea Kortajarena

Gizarte Langilea. EH Bilduko legebiltzarkidea.

Jule Goikoetxea

Zientzia Politikoan Doktorea. EHUko irakaslea.

Joseba Zalakain

SiiS ikerketa Fundazioko zuzendaria.

Martin Zuñiga

Gizarte Lanean Doktorea. SSI kooperatibako kidea

Eva Salaberria

Donostiako udaleko teknikaria. Donostia Lagunkoia Hiri Planaren Arduraduna.

Amaia Inza

EHUko Gizarte Langintza eta Lan Harremanetako Fakultateko Dekanoa.

Unai Villalba-Eguiluz

UPV/EHUko irakaslea eta Hegoa Institutuko kidea

Malen Dominguez Zabala

Soziologoa. Bagera Donostiako Euskaltzaleen Elkarteko langilea eta TMeLab-eko kidea.

Zer da ongizatea? Nola definitzen dugu? Zertan neurtzen da?

logo ongizate adierazleak

Osasun larrialdiak gizartearen ongizatean eragiten duten faktoreetan inpaktu zuzena izan du. Eta, horretxegatik, hain zuzen, COVID19aren pandemiak zerbait ekarri badu, pertsona jardun politikoaren erdian kokatuko duten politiken beharra da. Honek guztiak pertsonen ongizateaz eta ongizate horretan eragina duten faktoreez sakonago aritzeko beharra azaleratu du. Eta galdera asko sortzen dira.

Zer da ongizatea? Nola definitzen dugu? Zertan neurtzen da? Tokian-tokiko errealitatearen arabera ongizatean eragiten duten faktoreak aldatu egiten al dira? Ongizatea berdin neurtu beharko al litzateke Euskal Herrian zein beste herrialde batean? Gaur egun, Euskal herritarren ongizatea, zehazki, nola definitzen eta neurtzen dugu? Egokiak al dira egun erabiltzen diren adierazleak? Eredu propiorik behar al dugu?

Argazkia: Dan Freeman

Galdera horiek guztiak erantzuten saiatzeko, Telesforo Monzon eLab Euskal Herrigintza laborategiak eta EHU/UPVko GEZKI Institutuak, elkarlanean jardunaldi batzuk antolatu ditugu, Felix Arrieta eta Enekoitz Etxezarreta irakasleen zuzendaritzapean eta TM eLab laborategiko Malen Dominguez Zabalak koordinatuta.

Jardunaldia azaroaren 26an izango da, ostirala, 9:00-14:00 tartean, Donostian, UPV/EHUko Zuzenbide fakultateko gradu aretoan

Jardunaldiak bi zati izango ditu. Lehen zatian gizarte ongizatearen definizioaz aritu nahi dugu, hau ulertzeko ikuspegiez, giza garapenaren ikuspegitik eman daitekeen definizioaz, hornidura aldetik publiko-komunitarioaren arteko harremanaz, zaintzaz eta errenta banaketaz. Funtsean, lehen zatian ongizatearen kontzepzioaz arituko gara. Bigarren zatian ongizatea neurtzeko aukera eta eredu ezberdinez hitz egingo dugu, Zeelanda Berriko adibidean arreta berezia jarrita.

logo gezki

JAITSI EGITARAU OSOA PDF-n

JARDUNALDIETARAKO IZENA EMAN

TELESFORO

MONZON

eLab