O N L I N E - J A R D U N A L D I A K

HIZKUNTZA-POLITIKA BIRPENTSATZEN
NAZIOARTEKO HIZKUNTZA-POLITIKA
KONPARATUA

Txillardegi Gogoeta Gunearen helburua Euskal Herriak XXI menderako behar duen hizkuntz politikaren inguruan gogoeta egitea da. Erronka zahar eta berriei erantzuteko gai izango den hizkuntza politika.

Zentzu horretan hainbat herrietan aurrera eramaten diren hizkuntza politiken inguruko informazio eta ezagutza jasotzea interesgarria deritzogu. Hizkuntz politika konparatuak lagun diezaguke behar dugun gogoeta elikatzen.

Egoera bat bera ez den arren gurearen berdina, ezagutza honek lagun gaitzake gurea definitzen. Hori dela eta azaroan zehar hainbat nazioarteko adituen eskutik herrialde desberdinetako hizkuntz politiken berri izango dugu saio irekietan.

DENAK 16:30ean

URRIAK 31

ESTONIA

Eneko Erauzkin

(Eibar, 1971) Enpresa Zientzietan lizentziatua.
Ekintzailea Estonia (IT)-n 2007tik.
Kaixo Estonia elkarteko presidentea.

AZAROAK 7

KATALUNIA

Eva Pons

Zuzenbidean doktorea. Eskubide Konstituzionaleko irakaslea, Bartzelonako Unibertsitatean. Hizkuntza eta Zuzenbide aldizkariko,
Gizarte eta Komunikaziorako Unibertsitate Zentroko eta Ikasketa Katalanetako Institutuko Cruscat Sareko kide da.

Aurkezpenaren PDFa desakargatu hemen:

AZAROAK 14

QUEBEC

Daniel Turp

(Quebec, 1955) Quebeceko politikari eta abokatua da. Konstituzio eta nazioarteko zuzenbideko irakaslea da Montrealgo Unibertsitatean. Bloc Québécoiseko legebiltzarkide izan da (1997-2000) eta Quebeceko Asanblada Nazionaleko Parti Québécois-eko diputatu (2003-2008).

Aurkezpenaren PDFa desakargatu hemen:

AZAROAK 21

ÅLAND UHARTEAK

Elisabeth Naucler

(1952). Politikari independentea eta jurista. Gaur egun, Konstituzio Batzordeko, Enpleguko eta Berdintasuneko Batzordeko kidea da, eta Batzorde Nagusiko kidea da (Europako gaiak, Åland uharteetako lurralde autonomoa ordezkatuz).

Aurkezpenaren PDFa desakargatu hemen:

AZAROAK 28

FLANDRIA

Wilfried Vandaele

Wilfried Vandaele Flandriako politikaria da eta N-VAn (Aliantza Flandriar Berrian) afiliatuta dago. 2009tik Flandriako Parlamentuko kidea da eta 2019ko uztailaren 13tik urriaren 2ra bitartean bozeramaile gisa aritu da. Gainera, bere jaioterriko, De Haan, egungo alkatea da.

Aurkezpenaren PDFa desakargatu hemen:

J A R D U N A L D I A

XXI. MENDEKO HIZKUNTZA POLITIKAZ

Urriaren 19an Telesforo Monzon euskal herrigintza laborategiko Txillardegi Gogoeta guneak, Jakin-ek eta UEUk XXI.mendeko Hizkuntza Politikaz jardunaldia antolatu genuen.

2 . M I N T E G I A

ADIMEN ARTIFIZIALA
ETA ERALDAKETA
DIGITALAREN
IKUSPEGITIK

2022ko maiatzaren 7an burututako mintegia Andoainen.

2022eko Maiatzaren 7an Txillardegi Gogoeta Guneak mintegi
itxi bat antolatu zuen hizkuntz politikaz adimen artifiziala eta eraldaketa
digitalaren ikuspegitik aurreikus daitezkeen bilakaeraren baitan gogoeta
egiteko.

Mintegiaren helburua prospektibaz baliatuz hemendik 15 urtera aurki
ditzakegun agertoki posibleak irudikatzea izan zen.
Horretatik abiatuta,xedea horrek euskararen egoeran zer eragin izango
duen aztertzea izan zen, eta, ondoren, euskararen berreskurapen-prozesuan
zer hizkuntza-politika eta honekin erlazionatutako zer beste politika eraman
beharko liratekeen eztabaidatzea.

Ondorengo lerroetan bertan azaldu eta eztabaidatutakoa barnebiltzen
duen laburpena bildu dugu. Eranskin gisako dokumentuan aldiz, mintegian
eztabaidarako aurkeztu ziren analisiak jasotzen dira.

Beheko loturetan eskura dezakezu mintegia dela eta Txillardegi Gogoeta Gunetik egindako ondorioen txostentxoa bai eta bertan aurkeztutako lanen eta egindako gogoetaren bilduma biltzen duen eranskina.

1 . M I N T E G I A

- DEMOGRAFIA / MIGRAZIOA.
EUSKAL HERRIA 15 URTE BARRU.

2021-eko abenduaren 11ean, Telesforo Monzon laborategiko Txillardegi Gogoeta Guneak bere lehen mintegia burutu zuen.

Mintegiaren helburua Euskal Herrian hurrengo urteetan emango diren aldaketa demografikoak aztertu eta horren inguruan euskararen berreskurapenaren ikuspuntutik landu beharreko hizkuntza politikaz aritzea zen.

Beheko loturetan eskura dezakezu mintegia dela eta Txillardegi Gogoeta Gunetik egindako ondorioen txostentxoa bai eta bertan aurkeztutako lanen eta egindako gogoetaren bilduma biltzen duen eranskina.